रसुवामा बाढी प्रभावित क्षेत्रमा आठ टन राहत सामग्री पठाइयो

काठमाडौं, भदाै ११ । रसुवाको भोटेकोशी नदीमा आएको बाढीबाट प्रभावित क्षेत्रमा करिब आठ टन राहत सामग्री सिनामंगलस्थित गाेदामघरबाट पठाइएको छ।
प्रधानमन्त्री कार्यालयकी सूचना तथा सञ्चार विज्ञ दीपा दाहालका अनुसार नेपाली सेनाका आठ वटा ट्रकमार्फत राहत सामग्री आज राति प्रभावित क्षेत्रतर्फ पठाइएको हो।
प्रभावितका लागि पठाइएको राहत सामग्रीमा ५०० थान मच्छरदानी, एक हजार थान बालबालिकाका डिग्निटी किट, २२० थान स्लिपिङ ब्याग, ५०० थान कम्बल, १० थान प्लास्टिक सिट र १०० थान त्रिपाल रहेका छन्।
त्यस्तै, ५०० थान सोलार बत्ती, ५०० थान सोलार बत्तीका प्लेट तथा ३० केभीए क्षमताको एक थान जेनेरेटर पनि प्रभावित क्षेत्रमा पठाइएको छ।