आज कहाँ कस्ताे माैसम हुन्छ ?

काठमाडौं, भदाै ४। जल तथा मौसम विज्ञान विज्ञान विभागले आगामी २४ घण्टामा देशका विभिन्न भागमा भारी वर्षा ने पूर्वानुमान जारी गरेको छ। विभागले विशेष गरी गण्डकी र लुम्बिनी प्रदेशका क्षेत्रमा मध्यमदेखि भारी वर्षा (५० देखि १०० मिलिमिटर) हुने सम्भावना रहेको जनाएको छ। यसले गर्दा स्थानीय रूपमा भूस्खलन र खोल्साहरूमा पानी बढ्न सक्ने विभागले बताएको छ।

विभागको पूर्वानुमान अनुसार बागमती प्रदेश (काठमाडौं सहित) स्थानीय स्तरमा हल्कादेखि मध्यम वर्षा हुने र केही स्थानमा मेघगर्जन वर्षा हुने सम्भावना छ।

प्रदेश नं. १ र मधेश प्रदेशका केही स्थानमा हल्का वर्षा/हुस्सुको सम्भावना छ। सामान्यतया मौसम खुल्ला रहने देखिन्छ।

विभागले कर्णाली प्रदेशमा केही स्थानमा हल्का वर्षा हुने जनाएको छ भने सुदूरपश्चिम प्रदेशमा पनि मेघगर्जन सहितकाे भारी वर्षा (५० देखि १०० मिलिमिटर) हुने र त्यसको प्रभावबाट भूस्खलन हुने खतरा रहेको जनाएको छ।

विभागले पूर्वानुमान जारी गर्दै सामान्य जनतालाई आवश्यक नभएमा यात्रा नगर्न, खुला मैदानमा नबस्न र चट्याङ पर्दादा सुरक्षित ठाउँमा बस्न सुझाव दिएको छ। साथै, पहाडी तथा तराईका नदीनालाका नजिकै रहेका बासिन्दाहरूलाई सचेत रहन र बाढीको स्थितिमा सुरक्षित ठाउँमा जान अपील गरेको छ।

यातायात सेवा प्रदायकहरूलाई पनि आवश्यक सावधानी अपनाउन विभागले सिफारिस गरेको छ।