खानेपानी मन्त्रीसँग भारतीय प्राविधिकहरूको भेटवार्ता

काठमाडौं, साउन २७ । नेपालका खानेपानी मन्त्री प्रदीप यादवसँग भारत सरकारको जल शक्ति मन्त्रालयका प्राविधिक विज्ञहरूको ३ सदस्यीय प्रतिनिधिमण्डलले हिजाे भेटवार्ता गरेकाे छ ।

नेपालस्थित भारतीय दुतावासले जनाएअनुसार नेपालको तराई क्षेत्र तथा तराईमा जमिनमुनिको पानीको अवस्थाको विस्तृत मूल्याङ्कन गर्न याे भेटवार्ता भएकाे हाे । जल सुरक्षा बढाउन तथा दिगो समाधानहरू सिफारिस गर्न नेपाल सरकारको अनुरोधमा प्रतिनिधिमण्डल नेपाल भ्रमणमा आएकाे भारतीय दुतावासले जनाएकाे छ ।

यो भ्रमणले खानेपानी, फोहोर व्यवस्थापनसहित, सरसफाइ तथा स्वच्छता (वास) क्षेत्रमा सहकार्य बढाउन यस वर्षको सुरुवातमा दुवै देशले हस्ताक्षर गरेको द्विपक्षीय समझदारी पत्रले परिकल्पना गरिएको सहकार्यसँग मेल खाएकाे दुतावासले जनाएको छ ।