साना नदीमा बाढीको जोखिम, १३ जिल्लामा उच्च सतर्कता

काठमाडौं, असोज ९ । देशका विभिन्न जिल्लाबाट बहने साना नदी तथा खोलामा बहाव उल्लेख्य बढ्ने र आकस्मिक बाढी (फ्ल्यास फ्लड) को जोखिम रहेको बाढी पूर्वानुमान महाशाखाले जनाएको छ।
महाशाखाका अनुसार आज ताप्लेजुङ, पाँचथर, इलाम, झापा, मोरङ, सुनसरी, तेह्रथुम, धनकुटा, संखुवासभा, भोजपुर, खोटाङ, उदयपुर, सप्तरी, सिरहा, धनुषा, महोत्तरी, सर्लाही, सिन्धुली, ओखलढुंगा, सोलुखुम्बु, दोलखा, रामेछाप, सिन्धुपाल्चोक, काभ्रेपलाञ्चोक, काठमाडौं, भक्तपुर, ललितपुर, मकवानपुर, रौतहट, बारा, पर्सा, रसुवा, नुवाकोट, धादिङ, चितवन, नवलपरासी पूर्व, नवलपरासी पश्चिम, रुपन्देही, कपिलवस्तु, तनहुँ, स्याङ्जा, पाल्पा, गुल्मी, अर्घाखाँची, म्याग्दी, बागलुङ, पर्वत, रुकुम पूर्व, रुकुम पश्चिम, प्युठान, रोल्पा, सल्यान, डोल्पा, जाजरकोट, जुम्ला, कालिकोट, मुगु, हुम्ला, बाजुरा, अछाम, बझाङ, डोटी, दार्चुला, बैतडी र डडेल्धुरामा आकस्मिक बाढीको मध्यम जोखिम रहेको छ।
यी जिल्लामा बहने साना नदी तथा खोलाको बहाव उल्लेख्य बढ्न सक्ने भएकाले नदी तटीय तथा होचा भूभागमा रहेका बासिन्दालाई सतर्क रहन आग्रह गरिएको छ।
त्यस्तै गोरखा, लमजुङ, कास्की, मनाङ, मुस्ताङ, दाङ, बाँके, बर्दिया, सुर्खेत, दैलेख, कैलाली र कञ्चनपुर तथा आसपासका जिल्लामा बहने साना नदीमा बहाव उल्लेख्य बढ्ने र आकस्मिक बाढीको उच्च जोखिम रहेको महाशाखाले जनाएको छ।
बाढी पूर्वानुमान महाशाखाले जोखिमयुक्त क्षेत्रमा रहेका सर्वसाधारणलाई नदी तथा खोलाको अवस्था निगरानी गर्न, आवश्यक सतर्कता अपनाउन र जोखिम बढे सुरक्षित स्थानतर्फ जान तयार रहन आग्रह गरेको छ।
महाशाखाले आजदेखि आगामी २४ घण्टाको आकस्मिक बाढी जोखिमलाई समेटेर उक्त पूर्वानुमान सार्वजनिक गरेको हो।