ऋण असुलीबाट शिव शिखर सहकार्यका थप २१६ जना पीडितले पाए रकम

काठमाडौं, जेठ २६ । भूमि व्यवस्थापन, सहकारी, संघीय मामिला तथा सामान्य प्रशासन मन्त्रालयका मन्त्री प्रतिभा रावलकाे सचिवालयले
समस्याग्रस्त सहकारी व्यवस्थापन समितिले आज शिव शिखर बहुउद्देश्यीय सहकारीको २१६ जना साना बचतकर्ताको रकम फिर्ता गरेको जनाएको छ।
सचिवालयकाअनुसार सरकारले समस्याग्रस्त सहकारीको ऋण असुलीबाट प्राप्त भएको रकम नै पीडित बचतकर्तालाई फिर्ता गरेको हो ।

सचिवालयले समस्याग्रस्त सहकारी संस्थाहरुबाट ऋण असुली र सम्पत्ति व्यवस्थापनबाट प्राप्त भएको रकम नै सम्बन्धित सहकारीका बचतकर्ताहरुलाई बचत फिर्ता गर्ने कार्य प्रचलित कानुनी व्यवस्था बमोजिम निरन्तर रुपमा संचालन भइरहेको जनाएको छ । हालसम्म १ हजार ३ सय १३ जना साना बचतकर्ताले बचत फिर्ता पाइसकेको पनि समितिले जनाएको छ।