नबोली नबोली तिमी छेउ आयौ
र ढोकै नखोली तिमी छेउ आयौ !
सुहाएन प्यारी नयनको ईशारा
दबाएर बोली तिमी छेउ आयौ !
बडा चाडमा आउ भन्दा नमानी
न माघी न होली तिमी छेउ आयौ !
रमाउँ खुशीले थियो आश ठूलो
लिई रित्तो झोली तिमी छेउ आयौ !
म हेरुँ कसोरी नियालेर साथी
न घुम्टी न चोली तिमी छेउ आयौ !
उठाऊँ कि प्याला थिएँ सोचमा यो
अझै मात घोली तिमी छेउ आयौ !
वागमती ११, कर्मैया, सर्लाही
अन्य लेखहरू: लीलाराज दाहाल
यस लेखकका अन्य रोचक लेखहरू
लेख
लेख
लेख
लेख
लेख
Comments (0)
No comments yet
Be the first to comment!
Write a Comment