काठमाडौं, मंसिर २६ । नेपाल ललितकला प्रज्ञा प्रतिष्ठान, नक्साललिसेया सहकार्य तथा शिक्षा, विज्ञान तथा प्रविधि मन्त्रालय, पाठ्यक्रम विकास केन्द्र, सानोथिमी, भक्तपुरया ग्वसालय् शुक्रबार ‘ललितकला पाठ्यक्रम सम्बन्धी अन्तक्र्रिया कार्यक्रम’ जुल।
एकेडेमिया चान्सलर नारदमणि हरतांछली व पाठ्यक्रम विकास केन्द्रया महानिर्देशक युवराज पौडेलया मंकाः ग्वसालय् उगु ज्याझ्वः जूगु खः । आःया शैक्षिक सत्रया सन्दर्भय् ११ व १२ कक्षाय् संशोधित पाठ्यक्रम कथं चित्रकला, अनुप्रयुक्त कला, मूर्तिकला, कला इतिहास विषय ब्वंकेगु ज्या जुयाच्वंगुलिं उगु पाठ्यक्रमया बारे सम्बन्धित विद्यालयया शिक्षकपिंलिसे अन्तरक्रिया यायेगु आज्जुं थुगु ज्याझ्वःया ग्वसाः ग्वःगु खः ।
ज्याझ्वलय् एकेडेमीया चान्सलर नारदमणि हरतांछालीं शिक्षाय् कला व संस्कृतियात नापं यंकेमाःगु व शिक्षाय् सांस्कृतिक मूल्य मान्यताया सीमा नं थपे यायेमाःगु खँ कनादीगु खः । वय्कलं ललित कलाया विकासया निंतिं स्थानीय भाषा, इतिहास, व कलायात दुथ्याकेमाःगु खँय् बः बियादिल ।
थ्व ज्याझ्वलं ललितकलाया उन्नतिया निंतिं देय्न्यंकंया ललितकला शिक्षा व अध्ययन बियाच्वंगु संस्थातय् दथुइ सहलह यायेत व स्यनेगु व सयेकेगु ज्या गुकथं जुयाच्वंगु दु धइगु थुइकेत अझ ग्वाहालि जुइगु प्रतिष्ठानया कुलपति लालकाजी लामां धयादीगु दु ।
प्रतिष्ठानया सदस्य सचिव देवेन्द्रकुमार काफ्ले ‘थुम्केली’ं थुगु ज्याझ्वलं देय्न्यंकं ललितकला शिक्षाया महत्वया बारे चेतना ब्वलंकेत महत्वपूर्ण भूमिका म्हितीगु खँ कनादिल ।
पाठ्यक्रम विकास केन्द्रया महानिर्देशक युवराज पौडेलं देय् म्हसीकेत ललितकला महत्वपूर्ण जूगु व थ्व ज्याझ्वलं नेपाल सरकारं ललितकलाया ख्यलय् यायेमाःगु ज्यायात मार्गदर्शन याइगु विचाः प्वंकादीगु खः ।
ज्याझ्वलय् पाठ्यक्रम विकास केन्द्रया सहसचिव दिनानाथ गौतम, सुजन चित्रकार, काठमाडौं विश्वविद्यालय कला व डिजाइन विद्यालयया सहप्राध्यापक, डा। शारदामान श्रेष्ठ, सागर मानन्धर, काठमाडौं विश्वविद्यालय कला विद्यालयमा चित्रकला व अभिनय प्रमुख, कमल मिश्र, पाठ्यक्रम विकास केन्द्रका पाठ्यक्रम अधिकृत, केशवराज खनाल शाहिद शुक्र एम।वि।, कालिका मानवज्ञान एम।वि। बुटवलपाखें सुमित्रा राणा, पंचायत माध्यमिक विद्यालयपाखें सैंजु थापा मगर, भक्तपुरया बागीश्वरी उच्च विद्यालयपाखें सम्बिका बासुकला, काठमाडौंया बिजेश्वरी उच्च विद्यालय, नोबेल एकेडेमी, न्यू बानेश्वर, पिनाकल एकेडेमी, ललितपुरया प्रतिनिधिलिसेंया प्रतिनिधितय्सं ब्वति काःगु खः ।
मेगु पोस्त: नेवाः टाइम्स
Comments (0)
No comments yet
Be the first to comment!
Write a Comment