आज कीर्तिपुरमा बाघभैरव जात्रा हुँदै

काठमाडौं, भदाै १ । काठमाडौ उपत्यकाकाे एक प्राचीन वस्ती कीर्तिपुरमा प्रख्यात बाघभैरव मन्दिरस्थित बाघभैरवकाे आज जात्रा हुँदैछ । प्रत्येक भाद्र महिनाकाे १ गते बाघभैरवकाे जात्रा मनाउने सांस्कृतिक परम्परा कीर्तिपुरमा रहेकाे छ।

प्राचीन समयमा नै कीर्तिपुरमा मानव बसाेवास भइसकेकाे र पछि बाघभैरवबाट उक्त बस्ती संरक्षित भएकाे बाघभैरव र यश भैरव विराजमान हुने यस मन्दिरकाे स्थापनाबाट बुझिन्छ । मन्दिर परिसरमा लिच्छविकालभन्दा पनि पुराना कलाकीर्ति विद्यमान छ ।

कीर्तिपुरवासीकाे दैनिक जीवनसँग घनिष्ट सम्बन्ध रहेकाे याे बाघभैरव मन्दिरमा दिनहुँ पूजा आजा चल्ने गर्दछ । यसरी नै “चापुजा” भनेर राति विशेष पूजा गर्ने चलन पनि रहेकाे छ । यस्ताे पुजा परिवार विशेषलाई इच्छानुसार आफू अनुकूल बर्षमा कुनै एक दिन गर्दछन् । तान्त्रिक साधनासहित गरिने याे चापुजा बज्रयानी बाैद्ध पुजारीबाट सम्पन्न हुन्छ ।

सामान्य दिनमा मुख्य प्रवेशद्वार मात्र खाेलिन्छ भने बाघभैरव जात्राकाे दिन दुई वटा द्वार खाेलिनुका साथै बेलुका खटमा बाघ भैरवकाे मूर्ति राखेर नगर परिक्रमा गराइन्छ । मन्दिरमा रहेकाे बाघभैरवकाे ठूलाे मूर्तिबाहेक साना दुई मूर्ति पनि रहेमा छन् जसमध्ये एउटाकाे नगर परिक्रमा गराइन्छ ।