काठमाडौं, वैशाख १४ । अख्तियार दुरूपयोग अनुसन्धान आयोगले घुस लिएको आरोपमा खाद्य प्रविधि तथा गुण नियन्त्रण विभागका प्राविधिक सहायक सन्जय चौधरीविरुद्ध विशेष अदालतमा मुद्दा दायर गरेको छ।
आयोगका अनुसार बबरमहलस्थित विभागमा कार्यरत चौधरीले खाद्य उद्योगको अनुमतिपत्र नवीकरण गरिदिने भन्दै सेवाग्राहीसँग घुस मागेर दुःख हैरानी दिएको उजुरीका आधारमा अनुसन्धान अघि बढाइएको थियो। सोही क्रममा टंगालबाट खटिएको टोलीले उनलाई सेवाग्राहीसँग ३० हजार रुपैयाँ घुस लिइसकेको अवस्थामा नियन्त्रणमा लिएको थियो।
अनुसन्धानबाट चौधरीले विभिन्न बहाना बनाएर सेवाग्राहीसँग बार्गेनिङ गर्दै ३० हजार रुपैयाँ घुस मागी लिएको पुष्टि भएको आयोगले जनाएको छ।
आयोगले उनलाई भ्रष्टाचार निवारण ऐन, २०५९ अन्तर्गत कसुर ठहर गर्दै बिगो ३० हजार रुपैयाँ कायम गरी कैद तथा सोही बराबर जरिवाना मागदाबी सहित विशेष अदालत, काठमाडौंमा आरोपपत्र दायर गरेको जनाएको छ।
प्रवक्ता सुरेश न्यौपानेद्वारा जारी विज्ञप्तिमा घटनासम्बन्धी थप कानुनी प्रक्रिया अगाडि बढाइएको उल्लेख गरिएको छ।
अन्य लेखहरू: नेवाः टाइम्स
मापदण्डविपरीत सञ्चालित बालगृहबाट ८ बालबालिकाको उद्धार गरी पुनःस्थापना
मापदण्डविपरीत सञ्चालित बालगृहबाट ८ बालबालिकाको उद्धार गरी पुनःस्थापना...
आज देशका अधिकांश क्षेत्रमा वर्षाको सम्भावना, कोशीका केही स्थानमा भारी वर्षा हुन सक्ने
आज देशका अधिकांश क्षेत्रमा वर्षाको सम्भावना, कोशीका केही स्थानमा भारी वर्षा हुन सक्ने...
३१ वर्षपछि रावल आयोग प्रतिवेदन कार्यान्वयनमा लैजाने सरकारको निर्णय
३१ वर्षपछि रावल आयोग प्रतिवेदन कार्यान्वयनमा लैजाने सरकारको निर्णय...
वैदेशिक रोजगारीका नाममा ठगी गर्ने दुई जना पक्राउ
वैदेशिक रोजगारीका नाममा ठगी गर्ने दुई जना पक्राउ...
Comments (0)
No comments yet
Be the first to comment!
Write a Comment