मन्त्री छाेडेर चुनाव लड्न गएकाकाे प्रधानमन्त्रीबाट बचाउ

काठमाडौं, माघ, १९ । प्रधानमन्त्री सुशीला कार्कीले अन्तरिम सरकारको मन्त्रीबाट राजीनामा दिएर चुनाव उठ्न गएकाहरूको बचाउ गरेकी छन्। प्रधानमन्त्री कार्कीले राष्ट्रिय सभाको आजको बैठकमा बोल्दै जेनजीको दबाबमा उनीहरूलाई मन्त्री बनाएको र राजनीति गर्न मन्त्री पदबाट बिदा गरिएको बताएकी हुन्।

अन्तरिम सरकारमा मन्त्री भएका जगदीश खरेल, महावीर पुन, बब्लु गुप्ता र कुलमान घिसिङ राजिनामा दिएर अहिले चुनावमा उम्मेदवार बनेकाे भन्दै आलोचना भइरहेकाे सन्दर्भमा प्रधानमन्त्री कार्कीले राष्ट्रिय सभाको आजको बैठकमा बोल्दै जेनजीको दबाबमा उनीहरूलाई मन्त्री बनाएको र राजनीति गर्न मन्त्री पदबाट बिदा गरिएको बताएकी हुन्।

कुलमान घिसिङ, महावीर पुन, जगदीश खरेल र बब्लु गुप्ताले मन्त्रीबाट राजीनामा दिएर फागुन २१ को चुनावका लागि उम्मेदवारी दिएका छन्।

घिसिङले उज्यालो नेपाल पार्टी खोलेर सरकारबाट पन्छिए भने महावीर स्वतन्त्र उम्मेदवार छन् । जगदीश र बब्लु रास्वपा प्रवेश गरी उम्मेदवार छन्।

राष्ट्रिय सभालाई पहिलाे पटक सम्बाेधन गर्दै प्रधानमन्त्री कार्कीले भनिन्- महावीरले दुईचारवटा कानुन पारित गर्न खाेजेका थिए तर छाेटाे समय र सरकारकाे वाध्यताका कारण गर्न सकिएन, उनी रिसाएर गए । अरूकाे पनि भविष्य छ, केही गराैं भन्ने छ हाेला, गए ।

प्रधानमन्त्री कार्कीले राष्ट्रिय सभामा बाेल्दै आफू परिस्थितिले आएकाे बताउँदै भनिन्-

"परिस्थिति ले ल्याएको हो, रहर ले पनि आएको होइन । मैले खोजेर गएको पनि होइन। परिस्थिति ले बाध्य बनायो, म आएँ। र, अहिले यो जुन एउटा अवसर यहाँ मैले पाएँ, सायद जीवनमा फेरि म पाउन कठिन छ होला। र, मैले पाउने आशा गरेकाे पनि छैन।"