पत्रकार रोशनी अधिकारी पाठक आइयुसिएन क्षेत्रीय परिषद् सदस्य निर्वाचित

अन्तर्राष्ट्रिय प्रकृति संरक्षण संघ (आइयूसीएन)या पूर्व तथा दक्षिण एसिया क्षेत्रका लागि नेपालबाट क्षेत्रीय पार्षदमा रोशनी अधिकारी पाठक निर्वाचित काठमाडौं, भदौ १५। वय्कः २०२६ निसें २०२९ तकया निंतिं निर्वाचित जुयादीगु खः ।

नकतिनि क्वचाःगु आइयूसीएन विश्व संरक्षण महाधिवेशन २०२५ या लसताय् अक्टोबर ९ निसें १५ तक अबुधाबीइ उगु निर्वाचन जूगु खः । उगु निर्वाचनय् नेपाः, भारत, चीन, पाकिस्तान, जापान, मलेसिया व इन्डोनेसिया लगायत ७ गू देय्या उम्मेदवारपिन्सं प्रतिस्पर्धा याःगु खः ।

रोशनी अधिकारी पाठक छम्ह अनुभवी वातावरण पत्रकार व संरक्षण कार्यकर्ता खः । वय्कलं निगू दशक स्वयां अप्वः ईनिसें जैविक विविधता संरक्षण, जलवायु परिवर्तन, व लैंगिक समानताया ख्यलय् सक्रिय योगदान बियाच्वनादीगु दु । वय्कः नेपाल वातावरणीय पत्रकार समूह (नेवापस, नेफेज) या पूर्व नायः व एसएमसीआरएफया बोर्ड दुजः नं खः ।

ज्याझ्वःया उलेज्या ज्याझ्वलय् संयुक्त अरब इमिरेट्सया नितिं नेपाली राजदूत तेजबहादुर क्षेत्रीया उपस्थिति दुगु खः । नेपाली पुचलय् सरकारी व गैरसरकारी ख्यःया प्रतिनिधिपिं दुथ्याःगु खः । सरकारी पुचः राष्ट्रिय निकुञ्ज व वन्यजन्तु संरक्षण विभागया उपमहानिर्देशक बेडकुमार ढकालया नेतृत्वय् दुगु खःसा अबुधाबीस्थित नेपाली दूतावासया उपप्रमुख रञ्जिता ढकालं नं ब्वति कयादीगु खः ।

उगु लसताय् नेपाली गैरसरकारी संस्थातय्सं “रेड पाण्डा कार्पेट इभेन्ट” नं याःगु खः, गुकिया उलेज्या अबुधाबीइ च्वंगु नेपाली दूतावासया उपप्रमुखं यानादीगु खः । थ्व बाहेक असोज १२ गते अबुधाबीइ च्वंगु नेपाली दूतावासं आइयुसीएन सम्मेलनय् ब्वति काःगु नेपाली प्रतिनिधिमण्डललिसे अन्तरक्रिया ज्याझ्वः नं याःगु खः ।

अथेहे आइयूसीएन महासभां वइगु प्यदँया नितिं न्हूगु नेतृत्व व देय्या प्रतिनिधि ल्यःगु दु । थ्व संगठनया २० दँया रणनीतिक दृष्टिकोण व न्हूगु च्यादँया कार्ययोजना कार्यान्वयन यायेगु निंतिं छगू महत्वपूर्ण पलाःया रुपय् कायेगु यानाच्वंगु दु । संयुक्त अरब इमिरेट्सया रजान खलिफा अल मुबारक निक्वःगु कार्यकालया निंतिं आइयूसीएनया नायः पदय् हाकनं निर्वाचित जूगु दु ।

आइयूसीएन विश्व संरक्षण महाधिवेशन च्यादँय् छक्वः जुइगु याइ, गुकी सरकार, वैज्ञानिक, निजी क्षेत्र व आदिवासी समुदायया प्रतिनिधितय्सं ब्वति काइ । थुगुसी सम्मेलनं जलवायु अनुकूलन, जैविक विविधता संरक्षण, व दिगो विकास सम्बन्धी विश्वव्यापी मंकाः कार्ययोजना दयेकूगु दु ।

नेपाःया सन्दर्भय् अबुधाबीइ च्वंगु नेपाली दूतावासं जारी याःगु छगू प्रेस विज्ञप्तिइ धयातःगु दु — “तराईनिसें हिमालय तक न्यनाच्वंगु नेपाः जैविक विविधताया ल्याखं अतिकं समृद्ध देय् खः । नेपाःयात अझ जोखिमय् लाकाबिल ।”

दूतावासं आः नेपालं वैज्ञानिक नवप्रवर्तनया लिसें जलवायु लचिलो विकास, सामुदायिक लचिलोपन, व परम्परागत ज्ञानया संयोजनपाखें आइयूसीएनया नेतृत्वय् दिगो संरक्षणया पहल न्ह्यःने यंकेगु खँ धाःगु दु ।