डडेल्धुरामा भारी वर्षा: स्थानीयलाई सतर्क रहन आग्रह

काठमाडौं, भाद्र ५ । डडेल्धुरा जिल्लाका विभिन्न वर्षामापन केन्द्रहरूमा पछिल्लो ६ घण्टामा मध्यम देखि भारी वर्षा रेकर्ड गरिएको छ। जोगबुढा, ज्यामिरखाली, गाइबाँधे लगायतका क्षेत्रहरूमा भएको यो वर्षाको कारण स्थानीय खोलाहरूमा पानीको बहाव बढेको छ।

विभागले थप वर्षा सम्भावना रहेकोले खोलाहरूमा बहाव बढ्न सक्ने जनाएको छ। यसैकारण तटीय क्षेत्रमा बसोबास गर्ने बासिन्दाहरूलाई आवश्यक सतर्कता अपनाउन अपिल गरिएको छ। विभागले अझै पनि वर्षा जारी रहने र हालको अवस्थामा सचेत रहन आग्रह गरेको छ।

जल तथा मौसम विज्ञान विभागले प्रकाशित गरेकाे सूचनामा प्राकृतिक कुनै पनि अप्रत्याशित घटनाबाट जोगिन स्थानीय बासिन्दाहरूलाई सुरक्षित ठाउँमा बस्न र खोलाको नजिक नजाने सुझाव दिएको छ।