न्यायिक सेवामा महिला उम्मेदवारहरूको ऐतिहासिक सफलता: लैङ्गिक समानताको दिशामा ठूलो कदम

काठमाडौं, भदाै १३ । न्यायिक सेवाको शाखा अधिकृत पदको खुला प्रतिस्पर्धात्मक परीक्षामा महिला उम्मेदवारहरूले ऐतिहासिक सफलता हासिल गरेका छन्। न्यायिक परिषद्को तथ्याङ्कअनुसार, कुल ४४ जना सिफारिस भएका उम्मेदवारमध्ये ३९ जना महिला रहेका छन्, जसले गर्दा यो क्षेत्रमा महिलाको उच्च उपस्थितिले लैङ्गिक समानताको दिशामा नेपालले अगाडि बढेको प्रमाणित गरेको छ।

यस्तै, न्यायमण्डल, सरकारी वकिल (अटर्नी जेनरल कार्यालय) र कानून समूहबाट सिफारिस भएका कुल ७९ जना शाखा अधिकृतमध्ये ५८ जना महिला उम्मेदवार रहेका छन्। दुवै प्रक्रियाबाट सिफारिस भएका जम्मा १२३ जना उम्मेदवारमध्ये ९७ जना, जो करिब ७९ प्रतिशत हुन्छ, महिला छन्।

लैङ्गिक समानताको राम्रो संकेत विश्लेषकहरूकाअनुसार, न्यायिक क्षेत्रमा महिलाहरूको यस्तो उच्च उपस्थितिले समाजमा महिलाको बढ्दो भूमिका र सक्षमतालाई प्रतिबिम्बित गर्दछ। ऐतिहासिक रूपमा पुरुषप्रधान मानिने न्यायिक प्रणालीभित्र महिलाहरूको सहभागिता बढ्नुले लैङ्गिक समानताको दिशामा नेपाल बढेको संकेत गर्दछ।

भविष्यका लागि अपेक्षा

यी सिफारिसहरू अब लोक सेवा आयोगमा पठाइनेछ, जहाँ अन्तिम छनोट परीक्षा र अन्तर्वार्ताको आधारमा हुनेछ। विशेषज्ञहरूको भनाइ छ, न्यायिक क्षेत्रमा महिलाहरूको बढ्दो सहभागिताले न्यायप्रणालीमा विविधता र संवेदनशीलता बढाउने अपेक्षा गरिएको छ।

न्यायिक सेवामामहिला उम्मेदवारहरूको ऐतिहासिक सफलताले नेपालमा लैङ्गिक समानताको दिशामा एक महत्त्वपूर्ण काेशेको ढुङ्गाकाे काम गरेकाे छ । यसले महिलाहरूको क्षमता र लगनशीलतालाई मात्र होइन, देशको प्रगतिशील परिवर्तनलाई पनि संकेत गरेकाे छ ।