प्रतिनिधिसभा चुनाव : राष्ट्रिय स्वतन्त्र पार्टी सबैभन्दा ठूलो, कांग्रेस दोस्रो

काठमाडौं, फागुन २८ । प्रतिनिधिसभा निर्वाचनको पछिल्लो परिणामअनुसार राष्ट्रिय स्वतन्त्र पार्टी (रास्वपा) सबैभन्दा ठूलो दल बनेको छ। प्रत्यक्ष र समानुपातिक दुवै तर्फको परिणाम जोड्दा रास्वपाले कुल १८२ सिट जित्दै संसदको पहिलो दल बनेको तथ्यांकले देखाएको छ।
प्रत्यक्ष तर्फकाे जम्मा १६५ सिटमध्ये रास्वपाले प्रत्यक्षतर्फ १२५ सिट जितेको छ । समानुपातिकतर्फकाे जम्मा मत एक कराेड आठ लाख ३५ हजार २७ बाट रास्वपाले ५७ सिट प्राप्त गरेको छ। यससँगै प्रतिनिधिसभामा रास्वपाको कुल सिट संख्या १८२ पुगेको हो।
यस्तै नेपाली कांग्रेस दोस्रो ठूलो दल बनेको छ। रूख चुनाव चिन्ह भएको कांग्रेसले प्रत्यक्षतर्फ १८ सिट जितेको छ भने समानुपातिकतर्फ २० सिट प्राप्त गर्दै कुल ३८ सिट हासिल गरेको छ।
नेकपा एमाले तेस्रो स्थानमा रहेको छ। सूर्य चुनाव चिन्ह भएको एमालेले प्रत्यक्षतर्फ ९ सिट जितेको छ भने समानुपातिकतर्फ १६ सिट प्राप्त गरी कुल २५ सिट पाएको छ।
त्यसैगरी नेपाली कम्युनिस्ट पार्टी (तारा चुनाव चिन्ह) ले प्रत्यक्षतर्फ ८ सिट र समानुपातिकतर्फ ९ सिट जित्दै कुल १७ सिट हासिल गरेको छ।
श्रम संस्कृति पार्टी (माटो चुनाव चिन्ह) ले प्रत्यक्षतर्फ ३ सिट र समानुपातिकतर्फ ४ सिट पाउँदै कुल ७ सिट प्राप्त गरेको छ।
त्यस्तै राष्ट्रिय प्रजातन्त्र पार्टी (हलो चुनाव चिन्ह) ले प्रत्यक्षतर्फ १ सिट र समानुपातिकतर्फ ४ सिट जित्दै कुल ५ सिट हासिल गरेको छ।
यसका अतिरिक्त स्वतन्त्र उम्मेदवारबाट पनि १ सिट जितिएको देखिएको छ।
यस परिणामले प्रतिनिधिसभामा रास्वपाको स्पष्ट अग्रता देखिएको छ भने परम्परागत दलहरू कांग्रेस र एमाले निकै पछाडि परेका छन्। नयाँ राजनीतिक शक्तिको रूपमा उदाएको रास्वपाको यो नतिजाले नेपालको राजनीतिक समीकरणमा ठूलो परिवर्तन आएको विश्लेषण गर्न थालिएको