डा. नारायणदत्त कँडेल महान्यायाधिवक्तामा नियुक्त

काठमाडौं, चैत २२ । सरकारले डा. नारायणदत्त कँडेललाई महान्यायाधिवक्तामा नियुक्त गरेको छ । आज बसेको मन्त्रिपरिषद् बैठकले उनलाई सरकारको कानुनी सल्लाहकार बनाउन सिफारिस गरेको थियो ।
सोही अनुसार उनलाई राष्ट्रपति रामचन्द्र पौडेलले नियुक्त गरेका हुन् । महान्यायाधिवक्ता सरकारको कानुनी सल्लाहकार रहनुका साथै फौजदारी मुद्दाको अभियोजन गर्ने सरकारी वकिलहरूको नेतृत्व गठन, सरकारवादी हुने सबै मुद्दाको बहस पैरवीको नेतृत्व गर्छन् ।
उनी पत्रकार महासंघ (बागलुङ, पर्वत, म्याग्दी र मुस्ताङ) धौलागिरी शाखाको सभापति पनि थिए । विसं २०५८ देखि २०६० सम्म धौलागिरी शाखाको सभापति पनि थिए ।
कँडेल रास्वपा सभापति रवि लामिछानेको मुद्दामा कानुनी सल्लाहकारको रूपमा काम गरेका व्यक्ति पनि हुन् ।
महान्यायाधिवक्ताको कार्यालय नेपालमा कानूनी शासनको मेरुदण्डका रूपमा विकास हुँदै आएको देखिन्छ। प्रारम्भिक चरणमा सामान्य प्रतिनिधित्वको रूपमा सुरु भएको यो संस्था आज सरकारको प्रमुख कानूनी सल्लाहकार, अभियोजनकर्ता तथा न्यायिक प्रणालीको एक अभिन्न अंगका रूपमा स्थापित भएको छ।