राससका कार्यकारी अध्यक्ष धर्मेन्द्र झाको राजीनामा स्वीकृत

काठमाडौं, चैत २२ । राष्ट्रिय समाचार समिति (रासस)का कार्यकारी अध्यक्ष धर्मेन्द्र झा ले दिएको राजीनामा सरकारले स्वीकृत गरेको छ।
झाले चैत १६ गते पेश गरेको राजीनामा आज बसेकाे मन्त्रिपरिषदकाे बैठकले स्वीकृत गरेको हाे। राजीनामा स्वीकृत भएपछि उनले सामाजिक सञ्जालमार्फत आफूलाई जिम्मेवारी दिइएकोमा सरकारप्रति आभार व्यक्त गरेका छन्।
झाले आफ्नो कार्यकालमा राससको विकासका लागि यथासम्भव प्रयास गरेको उल्लेख गर्दै केही उपलब्धि हासिल गर्न सकेकोमा सन्तोष व्यक्त गरेका छन्। उनले कार्यावधिभर सञ्चार तथा सूचना प्रविधि मन्त्रालय, सहकर्मी तथा शुभेच्छुकबाट प्राप्त सहयोगप्रति कृतज्ञता प्रकट गरेका छन्।
उनले आगामी दिनमा पनि देश र जनताको पक्षमा आवश्यक भूमिकामा प्रतिबद्ध रहने विश्वास व्यक्त गरेका छन्।