सुनको मूल्य ऐतिहासिकतातिर

काठमाडौं, माघ १६ । सुनचाँदी व्यवसायी महासंघले आजका लागि सुनचाँदीको मूल्य सार्वजनिक गरे अनुसार छापावाल सुनको मूल्य प्रतितोला तीन लाख १८ हजार ८०० पुगेकाे छ । हिजाेभन्दा आज २० हजार ५०० ले घटेकाे छ भने अस्ति बुधबारभन्दा हिजाे २० हजार ५०० रूपियाँले नै बढेकाे थियाे।

गत हप्ताको शुक्रबारदेखि तीन लाख नाघ्न थालेकाे सुन हिजाे ३ लाख ३९ हजार ३०० रुपैयाँ कायम भएकाे थियाे । हिजोको सुनकाे भाउ अहिलेसम्मकै उच्च मूल्य हाे ।

यस्तै, आज चाँदीको मूल्य प्रतितोला ७ हजार ६५ रुपैयाँ तोकिएको महासंघले जनाएको छ। पछिल्ला दिनयता अन्तर्राष्ट्रिय बजारमा देखिएको उतारचढाव र आन्तरिक मागका कारण सुनको मूल्य ऐतिहासिक रूपमा उच्च विन्दुमा पुगेको व्यवसायीहरूको भनाइ छ।

महासंघले दैनिक रूपमा अन्तर्राष्ट्रिय बजारको प्रभावका आधारमा सुनचाँदीको मूल्य निर्धारण गर्दै आएको छ।