पैदल यात्रीमाथि हातपात गर्ने निजी जिप चालक पक्राउ

काठमाडौं, फागुन ५ । काठमाडौंको नारायण गोपाल चोकस्थित सडक खण्डमा पैदल यात्रीमाथि हातपात तथा दुर्व्यवहार गर्ने निजी जिप चालक पक्राउ परेका छन्।

बा ३ च ११०३ नम्बरको निजी जिप चालकले सार्वजनिक स्थलमा पैदल यात्रुलाई हातपात गरेको भिडियो सामाजिक सञ्जालमा सार्वजनिक भएपछि प्रहरीले उनलाई नियन्त्रणमा लिएको हो।

जिल्ला प्रहरी परिसर काठमाडौंका अनुसार पक्राउ पर्ने व्यक्ति काठमाडौं महानगरपालिका–३२, बुढानीलकण्ठ नगरपालिका बस्ने ४२ वर्षीय पारस वम हुन्।

भिडियो सार्वजनिक भएपछि उनी स्वयं काठमाडौं उपत्यका ट्राफिक प्रहरी कार्यालयमा उपस्थित भएका थिए।

हाल उनीमाथि आवश्यक अनुसन्धान प्रक्रिया अघि बढाइएको प्रहरीले जनाएको छ।