वर्षाका कारण बाँसबारीमा गेष्ट हाउस भासियो

काठमाडौं, भदाै ५ । काठमाडौं महानगरपालिका–३ बाँसबारीमा वर्षाका कारण साढे दुई तले घर भासिएको छ।
महानगरपालिकाका अनुसार बिहीबार बेलुका करिब ८ बजे बाँसबारीमा रहेको न्यु गण्डकी गेष्ट हाउस सञ्चालन भएको भवन भासिएको हो। लगातारको वर्षाका कारण भवनको संरचना कमजोर भएर भासिएको प्रारम्भिक जानकारी छ।
भवनमा अहिले कोही पनि नरहेकाले घटनामा मानवीय क्षति हुने जोखिम नरहेको महानगरपालिकाले जनाएको छ।
घटनापछि सम्बन्धित निकायले घटनास्थलको अवस्थाबारे आवश्यक निरीक्षण तथा थप जोखिमको मूल्यांकन गरिरहेको छ।