नेवाः अभियन्ता भाजु विष्णु चित्रकार मन्त

काठमाडौं, चैत्र २३ । नेवाः आन्दोलनया छम्ह सशक्त व्यक्तित्व विष्णु चित्रकार मुस्ताङ्य हृदयघात जुया सोमवार मन्त । पासापिंलिसे मुस्ताङ चाःह्यू झाःम्ह वयकःयात लासाय् हे हृदयघात जूगु व अनसं दुगु अस्पतालय् भर्ना याःगु खःसां मदये धुंकल धकाः चिकित्सकपिसं घोषणा याःगु खः । यात्रा दलय् वयकःया जहाज नं नापं दी ।  

७६ दँ दुम्ह चित्रकार ू२२ सालया आन्दोलनूनिसें नेवाः ख्यलय् सशक्त रुपं संघर्षशील व्यक्तित्वकथं म्ह स्यू । २०२२ साल वैशाख १ गतेनिसें रेडियो नेपालं नेपालभाषां समाचार प्रसारण बन्द याःगु विरुद्ध नेवाःतसें दच्छि तक याःगु साहित्यिक आन्दोलन यात २२ सालको आन्दोलन’ धायेगु याः । नेपालभाषाप्रति सरकारको रवैयाविरुद्ध येँ, यल, ख्वपया थीथी त्वालय्  साहित्यिक सम्मेलन यासें आन्दोलन न्ह्याकूगु खः । थुगु आन्दोलनय्  अग्रपङ्तिइ च्वना ज्या याःपिं मध्ये छम्ह वय्कः नं खः । 

नेवाः भाषा, जाति तथा संस्कृतिसम्बन्धि न्ह्यागु गतिविधिइ नं सक्रिय जुयाः ज्या याइम्ह भाजु चित्रकार नेपालभाषाया व्याकरण ख्यलय् नं सकृय रुपं ज्यायानादीम्ह खः ।  भाषा–व्याकरण सम्बन्धी वयकःया सफू प्रकाशित जूगु दु ।