रामेछापमा निर्वाचन कर्मचारी बोकेको जिप दुर्घटना, घाइते ७ जनालाई काठमाडौँ ल्याइयो

काठमाडौं, फाल्गुण १८ । रामेछाप नगरपालिका–२ सिरुबारीमा निर्वाचन सामाग्री तथा निर्वाचनमा खटिएका कर्मचारी बोकेको जिप दुर्घटनामा परेको छ। दुर्घटनामा गम्भीर घाइते भएका ७ जनाको उद्धार गरी उपचारका लागि राजधानी ल्याइएको छ।

नेपाली सेनाकाअनुसार घाइतेहरूलाई नेपाली सेनाको हवाई साधन (हेलिकोप्टर) मार्फत तत्काल काठमाडौँ ल्याइएको हो। उनीहरूको अहिले काठमाडौँस्थित अस्पतालमा उपचार भइरहेको जनाएको छ।