राष्ट्रपति पौडेलद्वारा संवैधानिक परिषद् पहिलो संशोधन अध्यादेश जारी

काठमाडौं, वैशाख २२।राष्ट्रपति कार्यालयले आज जारी गरेको विज्ञप्तीअनुसार राष्ट्रपति रामचन्द्र पौडेलले नेपालको संविधानको धारा ११४ को उपधारा (१) बमोजिम नेपाल सरकार, मन्त्रिपरिषद्को सिफारिसमा “संवैधानिक परिषद् (काम, कर्तव्य, अधिकार र कार्यविधि) (पहिलो संशोधन) अध्यादेश, २०८३” जारी गरेकाे छ।

आज जारी भएकाे अध्यादेशकाे सूचना राष्ट्रपति कार्यालयका प्रवक्ता रितेशकुमार शाक्यद्वारा सार्वजनिक गरिएको हो।

यो अध्यादेश संवैधानिक परिषद्को कार्यक्षेत्र र प्रक्रियामा पहिलो संशोधन गर्ने उद्देश्यले ल्याइएको छ।