विभिन्न जिल्लामा हावाहुरीको चेतावनी, सतर्कता अपनाउन आग्रह

काठमाडौँ, जेठ १२ । जल तथा माैसम विज्ञान विभाग, माैसम पूर्वानुमान महाशाखाले आज देशका विभिन्न जिल्लामा दिउँसोपछि तीव्र गतिको हावाहुरी चल्ने सम्भावना रहेको भन्दै आवश्यक सतर्कता अपनाउन आग्रह गरेको छ ।
जारी चेतावनीअनुसार कोशी, मधेश, बागमती, गण्डकी तथा लुम्बिनी प्रदेशका केही जिल्लामा हावाहुरीको प्रभाव देखिन सक्ने जनाइएको छ ।
कोशी प्रदेशअन्तर्गत झापा र मोरङ, मधेश प्रदेशअन्तर्गत बारा, पर्सा, सर्लाही तथा धनुषा, बागमती प्रदेशअन्तर्गत मकवानपुर र चितवन, गण्डकी प्रदेशअन्तर्गत नवलपुर र तनहुँ तथा लुम्बिनी प्रदेशअन्तर्गत रुपन्देहीसहित आसपासका क्षेत्रमा तीव्र हावाहुरी चल्ने सम्भावना रहेको सूचनामा उल्लेख छ ।
नेपाल वेदर फोरकास्टले सम्भावित जोखिमलाई ध्यानमा राख्दै सर्वसाधारणलाई सुरक्षित स्थानमा रहन, कमजोर संरचनाबाट टाढा बस्न तथा आवश्यक सावधानी अपनाउन अनुरोध गरेको छ ।