ओरालाे लाग्याे सुनकाे भाउ

काठमाडौं, कार्तिक ९ । नेपालको सुन बजारमा आज “छापावाल सुन”को दर प्रति तोला रू. २,४१,९०० कायम भएको छ। तिहारकाे बिदापछि खुलेकाे सुन बजारमा मूल्य घटेर आएकाे हाे । अन्तर्राष्ट्रिय बजारमा केही दिन अगाडिदेखि नै मूल्य घटे पनि नेपालमा भने बिदाले गर्दा सुनकाे मूल्य केही दिनदेखि निर्धारण भएकाे थिएन ।

संस्‍थागत रुपमा सुनको मूल्य तिहार अगाडि उच्चतम सीमामा पुगेको थियो तर आजको कारोबारले गिरावटको संकेत देखाएको छ। सुनचाँदी व्यवसायी महासंघद्वारा जारी मूल्याङ्कन अनुसार, माग घट्नु, अन्तर्राष्ट्रिय सुनको मूल्य कम हुनु तथा मुद्रामा डलरको बलियो स्थितिले मुल्यलाई तल तान्न सहयोग पुर्‍याएको छ।

विश्लेषकहरूका अनुसार अन्तर्राष्ट्रिय बजारमा सुनको प्रति औन्स दर हल्का घटेको छ, जसले नेपालजस्तो आयातनिर्भर बजारलाई प्रत्यक्ष प्रभाव पारेको छ । अमेरिकी डलरको सापेक्ष रूपले मजबुतीले लगानीकर्तालाई सुनजस्ता सुरक्षित विकल्पबाट हट्ने संकेत दिएको छ।

नेपालमा पनि पर्व–उत्सवको माैसम तथा नजिकिदाे विवाहका लगनहरूका कारण सुनकाे माग बढेको देखिन्छ।

अगामी दिनमा सुनको मूल्यमा के हुन सक्छ ?विश्लेषकहरुका अनुसार यो गिरावट अल्पकालीन हुनसक्छ । तर यदि (१) अन्तर्राष्ट्रिय अर्थतन्त्रमा अनिश्चितता फेरि बढ्यो, (२) डलर कमजोर भयो, वा (३) भूराजनीतिक तनाव फेरि उत्पन्न भयो भने पुन: मूल्य बृद्धि हुन सक्छ ।