प्रधानमन्त्री देउवालाइ विश्वासकाे मत प्राप्त
काठमाडाैं, ३ साउन । प्रधानमन्त्री शेर बहादुर देउवाले प्रतिनिधि सभामा भएका सांसदकाे बहुमतबाट विश्वासको मत प्राप्त गरेका छन् । बैठकमा प्रधानमन्त्री देउवाकाे पक्षमा १६५ मत र विपक्षमा ८३ मत परेकाे थियाे भने दिन्न भन्नेमा एक मत परेकाे थियाे । अाज बैठकमा उपस्थित हुने जम्मा सांसदहरूकाे संख्या दुइ सय ४९ जना थिए ।
प्रधानमन्त्री शेर बहादुर देउवाले प्रतिनिधि सभामा नेपालकाे संविधानकाे धारा ७६काे उपधारा ६ बमाेजिम विश्वासकाे मत दिन अाब्हान गरेका थिए । प्रधानमन्त्री देउवाले संसदबाट एक महिनाभित्र विश्वासकाे मत लिइसक्नु् पर्ने भए पनि अवस्था सकारात्मक देखिएपछि आजै प्रकृयामा गएकाे थियाे ।
प्रधानमन्त्री शेर बहादुर देउवालाइ नेकपा माआेवादी केन्द्र, जनता समाजवादी पार्टी, राष्ट्रिय जनमाेर्चा पार्टीबाट विश्वासथाकाे मत प्राप्त भएकाे थियाे । विपक्षी दल नेकपा एमालेका अध्यक्ष केपी अाेली पक्षीय अाठ जनासहित माधव नेपाल पक्षधर गरी २२ सांसदले पनि बिश्वासकाे मत दीएकाे थियाे । पार्टी निर्णयविपरित यसरी बिश्वासकाे मत दिने सांसदहरूमा
माधवकुमार नेपाल, विरोध खतिवडा, कल्याणी खड्का, जीवनराम श्रेष्ठ, पार्वती विशुंखे, मेटमणि चौधरी, भवानी खापुङ, निरादेवी जैरु, मुकुन्द न्यौपाने, कलिला खातुन, हिरा केसी, कृष्णकुमार श्रेष्ठ किसान, गोपाल बम, सविना हुसेन, कृष्णलाल महर्जन, प्रेमबहादुर आले, धनबहादुर बुढा, विना बुढाथोकी, सरला यादव, पुष्पाकुमारी कर्ण, लक्ष्मी चौधरी र रामकुमारी झाँक्री हुन् ।
सर्वोच्च अदालतको आदेशबाट दोस्रो पटक संसद पुनःस्थापना भएपछि प्रतिनिधिसभाको आठौं अधिवेशनकाे बैठक अाज बसेकाे थियाे । बैठक दिउँसो ४ बजेपछि संसद् भवन नयाँ बानेश्वरमा सुरु भएको थियाे ।
संसद विघटनविरुद्धको रिटमा सर्वोच्च अदालतले असार २८ गते प्रतिनिधिसभा पुनःस्थापना गरेको थियाे । अदालतको परमादेशअनुसार असार २९ गते प्रधानमन्त्रीमा कांग्रेस सभापति शेरबहादुर देउवा नियुक्त भएका थिए ।