भदाै २३,काठमाडौं – मोरक्कोमा ६ दशमलव ८ रेक्टर स्केलको शक्तिशाली भूकम्प गएको अमेरिकी भूगर्भ सर्वेक्षण (युएसजिएस) ले जनाएको छ । मोरक्कन राज्य मिडियाका अनुसार भूकम्पमा परी कम्तिमा आठ सय २० को मृत्यु र छ सय ७२ घाइते भएका छन् ।
रातिको समयमा ‘हाइ एट्लस माउन्टेन्स’ केन्द्र विन्दु बनाएर गएको भूकम्पका गएको थियाे ।
धेरै भवनको भग्नावशेषमा मान्छे पुरिएको शंका गरिएको छ । स्थानीय समय अनुसार राति ११ बजेर ११ मिनेटमा भूकम्प गएको हो । त्यसको १९ मिनेटपछि ४ दशमलव ९ रेक्टर स्केलको परकम्प गएको थियो ।
रातको समय भएकाले उद्धारमा कठिनाइ भएको प्रहरीलाई उद्धृत गर्दै खबरमा उल्लेख छ । केही गाउँ नै ध्वस्त भएका र त्यहाँ उज्यालो भएपछि मात्रै उद्धारकर्ता पुग्ने अधिकारीले बताएका छन् ।
युएसजीकाअनुसार भूकम्पको केन्द्रविन्दु १८.५ किलोमिटर (११.५ माइल) गहिराइमा थियो र माराकेशको ७२ किलोमिटर (४४ माइल) उत्तरपूर्वमा भएको थियो ।
