साउन २९, काठमाडौं । राष्ट्रिय विपद जाेखिम न्यूनीकरण तथा व्यवस्थापन प्राधिकरणले “विपद् जोखिम न्यूनीकरण तथा व्यवस्थापनमा लैंङ्गिक समानता, अपाङ्गता र सामाजिक समावेशीकरण रणनीतिक कार्ययोजना” को मस्यौदामाथि छलफल सम्पन्न गरेकाे छ ।
छलफलमा प्राधिकरणका कार्यकारी प्रमुख अनिल पोखरेल, सहसचिव रुद्रसिंह तामाङ, उपसचिवहररू ध्रुवबहादुर खड्का र हिरादेवी पौडेल, लैङ्गिक समानता, अपाङ्गता तथा सामाजिक समावेशीकरण सम्पर्क व्यक्ति रीना चौधरी लगायतका कर्मचारीहरुकाे सहभागिता रहेकाे थियाे ।
छलफल कार्यक्रममा गृह मन्त्रालय, संघीय मामिला तथा सामान्य प्रशासन मन्त्रालय, समाज कल्याण परिषद्, राष्ट्रिय अपाङ्ग महासंघ नेपाल, विश्व बैंक, युनिसेफ, UNFPA, केयर नेपाल, महिला मानव अधिकार लगायतका विज्ञ प्रतिनिधिहरूको उपस्थिति थियाे । उक्त अवसरमा सहभागीहरुले आ-आफ्नो संस्थाका तर्फबाट कार्ययोजनाको मस्यौदामाथि राय सुझाव दिएका थिए ।
छलफल प्राधिकरणकको आयोजना र National Housing and Settlements Resilience Platform and CRS Nepal को प्राविधिक सहयोगमा सम्पन्न भएको हो ।
