साउन१७, काठमाडौं । गोरखा आरूघाटकी पर्वताराेही तथा फाेटाे पत्रकार पूर्णिमा श्रेष्ठले पाकिस्तानमा रहेको केटू हिमाल (८,६११ मि.) को सफल आरोहण गरेकी छन्। उनले यसअघि सगरमाथा, मनास्लुलगायत हिमालको आरोहण गरिसकेकी छन्।
पछिल्ला केही वर्षदेखि आरोहणमा पनि समय दिने गरेकी पूर्णिमा श्रेष्ठले फेसबुकमा सफल आराेहणका बारे स्टाटस, फाेटाे र भिडियो राख्दै भनेकी छन्- “अहिले पाकिस्तानको स्कार्दुबाट लेख्दै छु, र विश्वको दोस्रो अग्लो हिमाल केटू सफलतापूर्वक आरोहण गरेकोमा म अत्यन्तै खुसी र गर्व महसुस गर्छु।”
उचाइकाे हिसाबले सगरमाथा भन्दा हाेचाे भएपनि आराेहण गर्न सगरमाथाभन्दा गाह्राे भएकाे उल्लेख गर्दै भनेकी छन्- “तपाईलाई थाहा छ, केटू स्याभेज माउन्टेनको रूपमा चिनिन्छ, र त्यो शतप्रतिशत सही छ। विश्वको सर्वोच्च शिखर सगरमाथाभन्दा आरोहण गर्न गाह्रो छ र मौसम खराब छ। हामीले राम्रो मौसमको लागि लामो लामो पर्खाइमा थियौं, त्यो वास्तवमा कहिल्यै आएन। यो मात्र एक दिन थोरै राम्रो भयो, र हामी सबै आफ्नो भाग्य प्रयास गर्न हिँड्यौं, र सफल भयौं। “
उक्त आराेहण मात्र सफल भएकाे नभई बाँचेर फर्कनु पनि आफ्नो लागि जीत भएकाे पूर्णिमाले आफ्नो स्टाटसमा लेखेकी छन् । उनी त्याे क्षणलाई सम्झँदै लेख्छिन् – बाँच्नु नै मेरो लागि सबैभन्दा ठूलो जीत हो। मैले मृत्युलाई यति नजिकबाट देखेको छु कि अझै पनि यसको बारेमा सोच्दा डरले चिसो लाग्छ।
