असार ८, काठमाडाैं । नेपालभाषालाई माध्यम भाषाका रुपमा लिएर अध्ययन गर्ने छात्राहरुलाई छात्रवृत्ति दिने उद्देश्यले नीलपद्म छात्रवृत्तिको घोषणा गरिएको छ ।
वरिष्ठ मानवअधिकारकर्मी तथा पूर्व स्वास्थ्य मन्त्री पद्मरत्न तुलाधरकी धर्मपत्नि नीलशोभा तुलाधरको अाज परेकाे पहिलो पुण्य तिथिको सन्दर्भ पारेर छात्रवृत्तिका लागि नीलपद्म अक्षयकोष खडा गरिएको परिवारले जनाएको छ । अक्षयकाेषाकाे रकम भने खुलाइएकाे छैन ।
नेपालभाषालाई माध्यम भाषा बनाएर पठनपाठन हुने जगत सुन्दर ब्वनेकुथिमा अध्ययन गर्ने, आवश्यकतामा रहेका जेहेन्दार छात्राहरुलाई छात्रवृत्ति दिइने बताइएको छ । आउने दिनहरुमा कोषमा रकम थप्दै जाने छात्रवृत्ति योजना बारे पद्मरत्न तुलाधर तथा नीलशोभा तुलाधरकी छाेरी सुम्निमा तुलाधरले जानकारी दिनुभएको छ । तुलाधर दम्पतिका सन्तान सुजन रत्न तुलाधार, सर्वन रत्न तुलाधर, सुनिता ताम्राकार तुलाधर र सुम्निमा तुलाधरले संयुक्त रुपमा कोष खडा गर्नुभएको हो ।
पद्म रत्न तुलाधर, जगत सुन्दर व्वनेकुथिका संस्थापक मध्येका एक हुनुहुन्छ ।