जेठ १७, काठमाडौं । राष्ट्रपति रामचन्द्र पौडेलबाट नेपाल नागरिकता ऐन २०६३ लाई संशोधन गर्न बनेको विधेयक प्रमाणीकरण भएको छ ।
राष्ट्रपतिको कार्यालयबाट प्रेषित विज्ञप्तिअनुसार उक्त विधेयक प्रमाणिकरण गर्ने क्रममा राष्ट्रपतिले २०६९साउन १५मा प्रस्तुत नेपाल नागरिकता ऐन २०६३ लाई संशोधन गर्न बनेको विधेयक नेपाल नागरिकता (पहिलो संशोधन) विधेयक २०७९ तत्कालीन संसदको दुवै सदनबाट पारित भई तत्कालीन राष्ट्रपति विद्या देवी भण्डारीसमक्ष प्रमाणीकरणका लागि पठाइएको थियो । भण्डारीबाट ध्यानाकर्षण सहित पुर्नविचारका लागि तत्कालीन संसदमा पठाइएको थियो ।
उक्त विधेयक हालसम्म पनि प्रमाणीकरण नभएकोमा २०८० जेठ १२ गते नेपाल सरकार र मन्त्रिपरिषदको बैठकको निर्णयले उक्त विधेयक राष्ट्रपति रामचन्द्र पौडेलसमक्ष पठाइएको थियो ।
विज्ञप्तिमा लेखिएको छ, ‘नेपालको संविधानको धारा ६१ के उपधारा (२), (३), (४), र धारा ६६ एवं सर्वोच्च अदालतबाट प्रतिपादित सिद्धान्तसमेत बमोजिम विधेयक प्रमाणीकरण गरेको छु ।’
