तीज मूलतः महिलाकाे पर्व हाे । त्यसमा पनि विशेषतः नेपालको पहाडी क्षेत्रमा रहेका हिन्दू महिलासँग सम्बन्धित छ । लोकप्रियताको विकास क्रममा अहिले यो पहाडी क्षेत्रमा मात्रै सीमित नभई अन्यत्र भूभागमा पनि फैलिन थालेको छ र राष्ट्रिय पर्व नै पनि भन्न थालिएको छ । सीमित क्षेत्र र समुदायमा प्रचलित याे सांस्कृतिक पर्व अब विस्तार हुने क्रममा पुरूषसम्म अाइपुगेकाे उल्लेखनीय पक्ष हाे ।
महिलासँग सम्वन्धित पर्व भएपनि अचेल पुरुषहरुकाे सहभागिता पाइनुले नेपाली समाजले उद्दार दृष्टिकाेण अवलम्बन गर्न थालेकाे संकेत हाे । तर तीजकाे मुख्य पक्ष ब्रत भएपनि पुरूषहरू ब्रत बस्न गरेकाे पाइँदैन । घर परिवारमा व्रत बस्नेलाइ सघाउने, सकारात्मक हुने तथा रमाइलाेमा रमाइदिने गरेकाे पाइन्छ । तीजकाे प्रमुख विशेषता नाचगान हाेइन तर तीजकाे अवसरमा नाचगान स्वतः हुनपुग्छ । घरमा हाेस् वा घरबाहिर नाचगान चल्छ । पुरुषहरुकाे सहभागिता नाचगानमा नै हुने गरेकाे पाइन्छ ।
तस्वीर/आलेख : बसन्त महर्जन
