0 3 weeks

काठमाडौं, १३ भदौ । स्वास्थ्य तथा जनसंख्या मन्त्रालयले गरेको कोविड १९को दोस्रो राष्ट्रिय सेरोप्रिभ्यालेन्स सर्वेक्षणको प्रारम्भिक नतिजाअनुसार नेपालमा लगाइएको खोप ९० प्रतिशत प्रभावकारी भएको देखिएको छ ।

मन्त्रालयकाअनुसार कोविड १९ को संक्रमणको अवस्थालाई शुक्ष्म विश्लेष गरी आवश्यक कार्ययोजना बनाउने उद्देश्यले देशभरीका ६ महिनाभन्दा बढी उमेरका व्यक्तिहरुलाई समेटी २०७८ असार २१ गतेदेखि साउन ३० गतेसम्ममा संकलित नमूनामध्ये १३ हजार १६१ जनाको परीक्षण गरी विश्लेषण गरिएको थियो । देशभरी ६८.६ प्रतिशत नमूनामा कोविड १९ एन्टिवडी देखिएको छ ।कोविड १९को दोस्रो राष्ट्रिय सेरोप्रिभ्यालेन्स सर्भेक्षण नतिजाअनुसार सातै प्रदेशका हिमाल, पहाड, तराई, गाउँ, शहरका सबै लिंग, उमेर, पेशा तथा सबै उमेर समूहमा लगभग समान रुपमा नै एन्टिवडी देखिएको छ ।

मन्त्रालयले जारी गरेको विज्ञप्तिमा भनिएको छ ,‘एक मात्रा मात्र खोप लगाएका व्यक्तिहरु ८० प्रतिशतमा र पूर्ण मात्रा खोप लगाएका ९० प्रतिशतमा एन्टिवडी देखिएको छ जसले हामीले लगाईराखेका खोपहरु अत्यन्त प्रभावकारी रहेको देखिन्छ । भाइरसले आफ्नो रुप परिवर्तन गरिरहने जोखिम कायमै रहेकोले संक्रमणको रोकथाम, नियन्त्रण गर्नु नै एक मात्र प्रभावकारी उपाय हो । जुन हालको अवस्थामा समेत निकै सान्दर्भिक छ। ’ साथै भाइरसले आफ्नो रुप परिवर्तन गरिरहने जोखिम रहेकोले संक्रमणको रोकथाम तथा नियन्त्रण गर्न स्वास्थ्य सुरक्षा मापदण्डको पालना गर्न आग्रह गरेको छ ।

Leave a Reply

Your email address will not be published. Required fields are marked *