नेपालभाषाकाे आधुनिक कविताका अग्रज कवि पूर्ण वैद्यकाे निधन
काठमाडाैं, ११ भदाैं । नेपालभाषाकाे काव्य क्षेत्रमा आधुनिक कविताका अग्रज एवं चर्चित कवि पूर्ण वैद्यकाे निधन भएकाे छ । अस्पतालमा उपचारकाे क्रममा विहिवार बेलुका निधन भएकाे हाे ।
कब्जियतकाे समस्या आएर स्वास्थ्य उपचारका लागि अस्पताल भर्ना गरिएकाे थियाे र उपचारका क्रममा भेन्टिलेटरमा राख्नु परेकाे थियाे । पछिल्लाे पल्ट उनमा काेविड-१९ काे पाेजिटिभ रिपाेर्ट आएकाे बताइन्छ ।
नेपालभाषाकाे काव्य क्षेत्रमा आधुनिक प्रवृत्ति भित्र्याउने कविका रूपमा श्रेय पाएका कवि वैद्य विशिष्ट व्यक्तिका रूपमा लिइन्छ । माैलिक रूपमा नेपालभाषामा कविता सिर्जना गर्ने उनका कविताहरू नेपाली, हिन्दी र अंग्रेजी भाषामा अनुवाद भएका छन् । कतिपय अन्तर्राष्ट्रीय काव्य गाेष्ठीमा उनले नेपालकाे प्रतिनिधित्व गरेका छन् ।
८१ वर्षअघि भक्तपुरकाे चाेछेँ टाेलमा जन्मिएका उनी हाल अनामनगरमा बसाेवास गर्दछन् । उनकाे पहिलाे र चर्चित कृति ‘सरासु’ हाे । अत्यन्तै प्रतिष्ठित पुरस्कारका रूपमा लिइने श्रेष्ठ सिरपा प्राप्त यस कृतिपछि ‘लः लः खः’ प्रकाशित भएकाे थियाे । पानीलाइ बिम्ब बनाइ लेखिएका प्रगतिशील कविताहरूकाे याे संग्रह हाे । पानी बिम्बलाइ अनेक दृष्टिबाट अभिव्यक्त भएका यी कविताहरू निकै चर्चित छन् । कविता बाहेक निवन्धकारका रूपमा पनि स्थापित उनका ‘पाचिना’ शीर्षककाे निबन्ध संग्रह प्रकाशित छन् । यसरी नै समालाेचना संग्रहका रूपमा ‘कविताया लागा’ प्रकाशित छन् ।
राष्ट्रिय शिक्षा पुरस्कार, राष्ट्रिय प्रतिभा पुरस्कार, प्रज्ञा मातृभाषा साहित्य पुरस्कार, अस्वीकृत विचार पुरस्कार, ठाकुरलाल सिरपा आदिबाट सम्मानित उनी त्रिभुवन विश्वविद्यालयबाट निवृत्त प्राध्यापक हुन् । उनी नेपालभाषाकाे साहित्यसम्बन्धी प्राध्यापन कार्यमा संलग्न थिए।