अायाे बचाउ एपः बहिरा र सुस्त श्रवण भएकाका लागि
काठमाडाैं, ४ भदाै । बहिरा तथा कम कान सुन्ने वर्गकाे सहजताका लागि बचाउ एप सार्वजनिक भएकाे छ । स्थापना कालदेखि नै अपाङ्गता समावेसी विपद् जोखिम न्यूनीकरणका क्षेत्रमा कार्यरत तथा अपाङ्गता भएका युवाद्धारा संचालित अतुल्य फाउण्डेशनले उक्त एप्लिकेशन सार्वजनिक गरेकाे हाे । अमेरिकी अन्तर्राष्ट्रिय विकास नियोगको सहयोगमा संचालित, तयार नेपाल परीयोजनाको सहयोगमा ‘अपाङ्गता भएका ब्यक्तिको लागि सार्वजनीक सुरक्षा’ नामक परियोजना अन्र्तर्गत एप तयार गरिएकाे उक्त संस्थाले जनाएकाे छ ।
संस्थाका अध्यक्ष पल्लभ पन्तकाअनुसार कान नसुन्ने तथा कम सुन्ने व्यक्तिहरूलाइ संभावित विपदबाट जाेगाउन तथा उनीहरूकाे जीवनलाइ अझ सहज बनाउन एप निर्माण गरिएकाे हाे । प्रकोपको दृष्टीकोणले पनि अपाङ्गता भएका ब्यक्तिहरु सबै भन्दा संकटासन्न अबस्थामा रहेका हुन्छन् । विपदका घटनाबाट उनीहरुनै सबभन्दा बढि प्रभावित हुन्छन् तर नेपालमा उनिहरुको विपद् सम्मुखता घटाउन, अपाङ्गताको प्रकृती अनुसारको पहुँचयुक्त सुचना आदन प्रदान गर्ने प्रविधिहरुको विकास र उपयोग खासै भएको छैन । यसै तथ्यलाई मध्यनजर गर्दै, हामीले अपाङ्गता भएका व्यक्तिहरु (बहिरा र सुस्त श्रवण)ले आपतकालीन सहयोग माग्न सक्ने गरी बचाउ मोबाइल एप्लिकेसनको बिकास गरिएकाे हाे ।
यो एप्लीकेसनको प्रयोगले, बिशेषतः एम्बुलेन्स, प्रहरी र दमकलको सहायता लिन सकिन्छ । एप्लीकेसन निर्माता संस्थाका अनुसार याे एप ज्यादै नै प्रयोगकर्ता मैत्री रहेको छ, र आवश्यक सबै निर्देशनहरु एप्लीकेसन भित्रैबाट प्राप्त गर्न सक्ने खालको छ । तर अाज भएकाे सार्वजनिक कार्यक्रमका सहभागी बहिरा तथा सुस्त श्रवण भएकाले एप्लिकेशनमा चित्रकाे प्रयाेग भएमा अाफूहरूलाइ प्रयाेग गर्न सहज हुने बताए । जिज्ञासाकाे जवाफ दिंदै अध्यक्ष पल्लबले दाेस्राे चरणमा थप परिमार्जन गर्दै जाने जानकारी गराए ।
कार्यक्रममा बाेल्दै गृहमन्त्रालय द्वन्द्व तथा विपद व्यवस्था महाशाखाका सहसचिव हुमकला पाण्डेले विपद प्रविधिमैत्री हुँदै जानु सकारात्मक रहेकाे उल्लेख गर्दै स्थानीय तहसम्म रहेकाे विपद व्यवस्थापन संरचनाले पनि प्रविधिकाे प्रयाेग गर्नुपर्ने बताइन्।
यस्तै, कार्यक्रममा बाेल्दै काठमाडाैं महानगरीय प्रहरी इन्सपेक्टर राजु केसी.ले नेपाल प्रहरीकाे एपबाट एसएमएस, फाेटाे तथा भिडियाे समेत पठाउन सक्ने उल्लेख गर्दै अतुल्य फाउण्डेशनबाट संचालित एपलाइ एकीकृत रूपमा अगाडि बढाउन सकिने बताए । प्रहरी इन्सपेक्टर राजुका अनुसार एपका कारण घटना भएकाे ठाउँमा पुग्न प्रहरी, दमकल तथा एम्बुलेन्सलाइ तथा प्रयाेगकर्तालाइ पनि निकै सहज भएकाे छ । यसलाइ व्यापक रूपमा प्रयाेग गरिनु पर्दछ ।