शर्मिला शाक्य

टोकियाे, ४ भदाै l नेवा:जागरण मंच जापानको चौंथाे अधिवेशन हुने भएको छ l मन्चको हालै वसेको बैठकले विभिन्न निर्णय गर्दै मंचको चौंथाे अधिवेशन आउँदो अक्टोवर महिनामा गर्ने निर्णय गरेको हो l

तेस्रो कार्य समितिलाई पुनर्गठन गर्दै चौथाे अधिवेशन आयोजक समितिको रुपमा रुपान्तरित समेत गरेको छ l निवर्तमान अध्यक्ष जनक राज शाक्यका अनुसार विविध कारणवश मंचको अधिवेशन गर्न सकिएको थिएन । बैठकले निवर्तमान उपाध्यक्ष कृष्ण बदन जोशीको संयोककत्वमा पुनर्गठित समितिले मंचका नियमित कार्यको साथै चौथाे राष्ट्रिय अधिवेशन आयोजनार्थ आवश्यक तयारी पनि गर्ने निर्णय गरेको छ l चौथाे अधिवेशन तयारीका लागि आयोजक समितिमा निवर्तमान कार्य समितिमा रहेका अधिकांश व्यक्तिहरु सदस्यको रुपमा रहेका छन् भने केहि सदस्य पछि थप गरिने पनि जोशीले जानकारी दिए l

समितिको सचिवको जिम्मेवारी निवर्तमान केन्द्रिय सदस्य श्याम तन्डुकारलाई दिइएको छ l साथै, आयोजक समितिलाई आवश्यक सल्लाह र सहयोगको लागि एक सल्लाहकार समिति समेत गठन गरिएको छ ।