विद्यालयका सवारी चालकबाट मादक पदार्थ सेवन

काठमाडौं, जेठ २८ । विद्यार्थी लिन पठाइएका विद्यालयका सवारी चालकले मादक पदार्थ सेवन गरेको पाइएकाे काठमाडौं महानगरपालिकाले जनाएको छ ।

काठमाडौँ उपत्यका ट्राफिक प्रहरी कार्यालयका प्रमुख प्रहरी वरिष्ठ उपरीक्षक सुरेशप्रसाद काफ्लेका अनुसार विद्यालयका सवारी चालकहरुमा ४ दिन विहान मापसे जाँच गर्दा १६ जनाले सेवन गरेको पाइयो । आज काठमाडौँ महानगरपालिकाका कार्यवाहक प्रमुखसँग सहरमा ट्राफिक व्यवस्थापन अभ्यासका विषयमा छलफल गर्ने क्रममा काफ्लेले यो विवरण दिएका हुन् ।

यो अवस्थालाई तत्काल नियन्त्रणमा लिन कार्यवाहक प्रमुख सुनिता डंगोलले शिक्षा विभागलाई निर्देशन दिएकाे जनाइएको छ ।