परराष्ट्र मन्त्री शिशिर खनाल ९औँ भारतीय महासागर सम्मेलनमा सहभागी हुन मॉरिसस प्रस्थान

काठमाडौं, चैत २६ । नेपालका परराष्ट्र मन्त्री  शिशिर खनाल भारतका परराष्ट्र मन्त्री डा. एस. जयशंकरको निमन्त्रणामा  भारतीय महासागर सम्मेलन (आइओसी)मा सहभागी हुन आज पोर्ट लुइस, मॉरिसस प्रस्थान गरेका छन्  । 
परराष्ट्र मन्त्री खनालले १० देखि १२ अप्रिलसम्म आयोजना हुने ९औँ भारतीय महासागर सम्मेलन (आईओसी) २०२६ मा नेपालको तर्फबाट सम्बोधन गर्ने कार्यक्रम रहेको छ । मन्त्री खनालले नेपालका दृष्टिकोण प्रस्तुत गर्दै भारतीय महासागर शासन, हिमाल–महासागर पारिस्थितिक सम्बन्ध, तथा आर्थिक विकासका लागि समुद्री सम्पर्कको महत्वबारे धारणा राख्ने परराष्ट्र मन्त्रालयले एक विज्ञप्ती जारी गर्दै जानकारी गराएको छ ।
भारत फाउन्डेशनले मॉरिसस सरकारसँग सहकार्यमा आयोजना गरेको सम्मेलनको मूल विषयवस्तु “भारतीय महासागरको सामूहिक व्यवस्थापन’’ रहेको छ ।

सम्मेलनका अवसरमा मन्त्री खनालले विभिन्न देशका समकक्षीहरूसँग द्विपक्षीय भेटवार्ता गर्ने कार्यक्रम पनि तय भएको छ । मन्त्री खनाल १३ अप्रिल २०२६ मा नेपाल फर्कने कार्यक्रम रहेको छ ।